2014-cü ildə təsis edilmiş Hikmət Elm və Tədris Mərkəzinin fəaliyyəti müxtəlif virtual və canlı dərslərin peşəkar səviyyədə tədrisinə, seminarların, təlimlərin, mühazirələrin və tədbirlərin keçirilməsinə istiqamətlənib.
Mərkəzdə dərslərin tədrisi ilə yanaşı, elmi və bədii əsərləri özündə birləşdirən kitabxana fəaliyyət göstərir. Həmçinin, mərkəzin fəaliyyətinə elmi təhlillərin aparılması, kitabların yazılması və tərcüməsi, elmi tədbirlərin təşkili də daxildir.
Hikmət Elm və Tədris Mərkəzi peşəkar təlim-tədris metodlarından və təcrübəli təlimçilərin bacarıqlarından istifadə etməklə, bu sahədə öz fəaliyyətini daim təkmilləşdirir.
Keçirilən dərslərin keyfiyyətinin artırılması, tələbə məmnuniyyəti, tədris sahəsində yeni metodların tətbiq edilməsi mərkəzin əsas məqsədləri sırasındadır.
Hikmət Elm və Tədris mərkəzinin kitabxanasından kitab götürmək üçün kitabxanaya üzv olmaq tələb olunur. Bunun üçün kitab götürmək istəyən şəxslər “oxucu kart”- na sahib olmalıdırlar. Kartın etibarlılıq müddəti istifadəyə verildiyi vaxtdan 6 ay müddətinə qədərdir. 6 aylıq abunəlik haqqı üçün 10 AZN ödənilməlidir. Kitabxanadan istifadə qaydaları: - Oxucular eyni zamanda 1 kitab götürmək hüququna malikdirlər. - Kitabların qaytarılma müddəti səhifə etibarı ilə: 0 – 200 səh = 15gün 200 – 350 səh = 20gün 350 – (üzəri) = 30gün - Göstərilən müddət ərzində kitablar qaytarılmasa oxucu hər iki günə görə 1 azn ödəməlidir. - Əgər kitabların qaytarılması təyin olunmuş vaxtdan 1 həftə müddətində gecikdirilərsə, oxucu kitabxanadan istifadə hüququndan məhrum ediləcək. - Kitablara hər hansı zərər vurularsa oxucu zərər vurduğu kitabın dəyərini ödəməli və yaxud kitabı yenisi ilə əvəz etməlidir.